Jïlan > Čilen > Чілен. «Жылан балық». Түріктердің ордалық қалалардың бірі - «Чилэн» . Бұл қала Орды-балық қаласы мен Күлтегін, Білге қағанның ғұрыптық кешендері және «Құтты» таудағы қаған билік иелерінің некрополіне жақын орналасқан бұрын-соңды зерттелмеген. Орхон өзені алқабындағы аралда салынған. Қаланың жалпы құрылыстық ерекшеліктері, әсіресе, оның фортификациясы және қағанның сарайы жақсы сақталынған. Орналасуы: солтүстік ендік бойынша- N-47° 45¢ 411 ² ; шығыс бойлық бойынша- E-102 ° 38 ¢ 648 ² . Теңіз деңгейінен: 1324 м. Қазіргі Моңғолия, Арханғай (Өгий нуур) аймағы , Өгийнуур бақ, «Чилэн» деген жерде орналасқан. Орды-балық (Қара-балық) қаласының солтүстігінде, Өгий нуур көлінен 2,5 км жерде орналасқан. Аталмыш қаланының орнын жергілікті халық Čilen balgas > Чилэн балгас яғни «Чилен қалашығы» және «Чилэн», «Чилэнгийн балгас», «Чилэн хангай», «Чилэнгийн тохой» деп атайды.

«Чилэн» қала-бекінісі. Шығыс тарапы (Н. Базылхан, 2007 ж.)

Кейбір зерттеушілер «Чилэн» деген көне моңғолша Čilaγun > чылағұн > чулуун //чулуу «тас» деген сөз деп те қарастырады. Орхон экспедициясы аталмыш қаланың жергілікті атауын сол кездері «Тайдшин-джило» яғни «ханзаданың тасы» деп белгілеп хаттағаны да бар. Көне түрік тілінде қалай аталғаны белгісіз. Jïlan> Жылан>Čilen деп аталуы ықтимал деген пікір бар. Аталмыш қала жайлы В.В. Радлов басқарған экспедияциясы 1891 жылы алғаш рет жалпы сызба жобасын жасаған. Онда осы қала-бекінісіті «Тайдшин-джило» деп қарастырған. Одан кейін Д.Д. Букинич бірлі жарым анықтама жасады, С.В. Киселев , Х.Пэрлээ бұл қаланы ұйғыр дәуіріне тән деп қарастырады.