Солтүстік ендік – 49 023 ' 38 '', шығыс бойлық – 102030 ' 21''. Теңіз деңгейінен: 1127 м. Бұлғын аймағы, Хутаг-Өндөр сұмынынан 11 км батыста. Селеңгі өзен бойында орналасқан.
Ел етміш Білге қаған (747-759 ж. билік құрған ) бірінші (Мойын-чұр) бітіктасының мәтінінде: «Soγdaq: Tabγačqa Seleŋede: Baybalïq yapïtï bertim: - Соғдақ: Табғач-қытайларға Селеңгеде: Байбалық жасатып (бұйрықты) бердім» делінеді.
Ұйғыр қағандығының Ел-етміш Білге қаған тарапынан соғдылықтар мен қытайлықтарға салдырған Бай-балық қаласы ( жергiлiктi халық : Бийбулаг деп атайды)
1-қамал (238х235х378х232 м), 2-қамал (142 х 149 х158 х149 м), 3-қамал (329х314х332х320 м)
1949 ж. С.В. Киселев , Х.Пэрлээ бірлі-жарым қазба жұмыстарын жүргізген болатын. Одан кейін 1975 жылы С.Г. Кляшторный462 ал, 1982 және 1986 жылы осы қала жайлы сипаттамаларын Ю.С. Худяков463 жазған. 1996-1998 жылдары Моңғолия-Жапония ғалымдары - Д. Баяр, Н.Ширайши, Ц.Баттулга 464 аталмыш қалада арнайы зерттеу жүргізіп, қаланың 1970 жылғы әуефотосурет негізінде аталмыш қала үш қамалдан тұратынын толық анықтаған. Сондай-ақ қаланың үш құрылыс орнының топографикалық сызбасын, өлшемдерін жасап, археологиялық жерүсті жәдігерлерді жинаған, қала аумағындағы 4 дана арыстан бейнелі тасмүсіндердің суретін сызып, жалпы қаланың орны мен құрылыстық құрамы жайын анықтаған.
Осы зерттеулері негізінде Байбалық қаласы жайында белгілі моңғол археологы Д. Баяр арнайы ғылыми мақала жариялады465 . Онда 1-қамал (238х235х378х232 м), 2-қамал (142 х 149 х158 х149 м), 3-қамал (329х314х332х320 м) болғандығы анықталынған және ол орындардан әр түрлі кезеңдерге қатысты керамика қыш ыдыстардың сынықтары табылғанын тілге тиек етеді. Жергілікті тұрғындардың және зерттеушілердің хабарлауы бойынша осы қала орнында көне түрік бітік немесе көне ұйғыр жазулы ескерткіш болған делінеді. Алайда нақтылы мәлімет жоқ.
